Кубаннинг "Краснодар" жамоаси Россия чемпионатининг 27-тури доирасида ўз уйида "Амкар"ни қабул қилди ва 1:1 ҳисобидаги дуранг натижасини қайд этди.
Ўйиннинг 8-дақиқасида Маурисио Перейра ҳисобни очди. 23-дақиқада меҳмонлар вакили Януш Гол жавоб голига муаллифлик қилди.
Иккинчи таймда, ўйиннинг 64-дақиқасида Перейра яна бир гол уриши ва жамоадошларига ғалаба тақдим қилиши мумкин эди. Аммо у 11 метрлик жарима зарбасини аниқ амалга ошира олмади.
Бу ўйиндан кейин "Краснодар" "ЦСКА"дан илгарилаб кета олмади. Турнир якунланишига 3та ўйин қолган вақтда Одил Аҳмедов ва унинг жамоадошлари 55 очко билан иккинчи ўринда боришмоқда. "ЦСКА" ҳисобида эса 53 очко мавжуд.

«Краснодар» — «Амкар» 1:1
Голлар: Перейра, 9 (1:0); Гол, 23 (1:1).
Амалга оширилмаган пенальти: Перейра, 64 .
Огоҳлантиришлар: Калешин, 25; Лаборде, 83; Сигурдссон, 90+5 — Батов, 88.