Украина президенти Пётр Порошенко ва БМТ Бош котиби Пан Ги Мун телефон орқали суҳбат давомида Донбассга тинчликпарвар кучларнинг киритилиши имкониятини муҳокама қилишди.

Бу ҳақда Порошенко матбуот хизмати берган хабарда айтилмоқда.

Қайд этилишича, Пан Ги Мун “Украина президентига Москвага ташрифи якунлари ҳақида ахборот берди. У Киевдаги каби Москвада Минск келишувларини бажаришни қўллаб-қувватлаш бўйича БМТ офисини очишни муҳокама қилган”. 

Аввалроқ БМТ котибияти Украинада Минск келишувларини бажаришни қўллаб-қувватлаш бўйича БМТ офиси очилгани ҳақидаги хабарни тасдиқлай олмаганди.