АҚШ раҳбарияти Кипрда федератив давлат тузиш зарур деб ҳисобламоқда. Бу ҳақда РИА “Новости” ахборот агентлиги хабар бермоқда.

“Барча кипрликлар ва умуман минтақанинг фаровонлиги учун оролни икки зонали, икки жамиятли федерацияга яна бирлаштириш учун томонларни иложи борича тезроқ келишувга эришишга чақирамиз”, деб айтди АҚШ Миллий хавфсизлик кенгаши вакили Бернадетт Михэн турк ва грек Кипри ўртасида музокараларнинг қайта бошланганига изоҳ бериб.  

Аввалроқ 15 майда Кипр президенти Никос Анастасиадис ва қисман тан олинган Шимолий Кипр Турк республикаси раҳбари Мустафо Оқинжи билан учрашув бўлиши маълум қилинганди.