Саудия Арабистони раҳбарлигидаги араб коалицияси чоршанба куни эрта тонгда сешанба кундан 5 кунлик гуманитар танаффус эълон қилинганига қарамай, Яманнинг Саад ва Хаджа вилоятларидаги объектларга 4та ҳаво зарбаси йўллади. Бу ҳақда Яманнинг Yemenipress портали хабар берган.

Гувоҳларнинг сўзларига кўра, Саудия Арабистонининг Яман билан чегара ҳудудини қўриқлаётган самолётлар Яман шимолий туманларига зарба йўллашни тўхтатмаяпти.

Ўз ўрнида “Ал-Арабия” телеканали ҳусийчиларни танаффусни бузганликда айбламоқда. Телеканалнинг хабарига кўра, Аден, Таиз ва ад-Дали шаҳарларида ҳусийчилар ҳукумат қўшинлари билан курашни тўхтатмаган.