Халқаро футбол федерацияси (ФИФА) ва Европа футбол уюшмалари иттифоқи (УЕФА) Испания ҳукуматининг Испания Қироллик футбол федерацияси (RFEF) ишларига аралашаётгани учун федерацияга қарши санкциялар киритиши билан таҳдид қилмоқда, деб хабар бермоқда Marca нашри.

Нашрнинг маълумотларига кўра, гап испан клублари ва терма жамоаларининг ФИФА ва УЕФА томонидан уюштириладиган барча мусобақалардан четлаштирилиши ҳақида кетмоқда.

Испания Қироллик футбол федерацияси (RFEF) ва Испания ҳукумати орасида Испания чемпионати ўйинларига телевизион ҳуқуқларни сотишдан олинадиган тушум борасида тортишувлар кетмоқда. RFEF ҳам ўз навбатида 16 майдан Испания чемпионати ўтказилишини тўхтатиб қўйишини эълон қилди.