АҚШ Давлат котиби Жон Керрининг айтишича, Россияга қарши санкцияларнинг амал қилиши АҚШнинг асл мақсади ҳисобланмайди. Бу ҳақда “ТАСС” ахборот агентлиги хабар бермоқда.

Керрининг айтишича, санкциялар Украинада тинчликнинг сақланишини кафолатлаш учун муҳим аҳамият касб этади.

“Биз Россияга қарши санкциялар амал қилишини хоҳламаймиз, бироқ улар Украинада тинчликни таъминлаш ва ўт очишни тўхтатиш учун зарурдир”, деб айтмоқда Керри.

Владимир Путин ва Жон Керрининг учрашуви давомида Украинадаги можарони ҳал қилиш учун иккала давлат можаро иштирокчиларига ўз таъсирларини ўтказишдан фойдаланишлари мумкинлиги ҳақидаги келишувга эришилди.