“Ювентус” бош мураббийи Массимилиано Аллегри Чемпионлар лигасининг яримфиналида “Реал”га қарши ўтказиладиган жавоб учрашуви ҳақидаги фикрлари билан ўртоқлашди.

“Мен биринчи марта “Сантьяго Бернабеу”га келаётганим йўқ. Мен бу ерга “Милан”даги илк мавсумимда ташриф буюрганман.

Бу ўйин фаолиятимдаги энг муҳим ўйин бўлади. Ҳар куни ҳам Чемпионлар лигасининг яримфиналида ўйнайвермайсан. Биз шу босқичгача етиб келдик ва финалга чиқа олишимизга кўзимиз етади.

“Реал”да ҳеч қандай муаммо мавжуд эмас. “Реал” юқори даражадаги клуб. Унинг таркибида жуда кўплаб ажойиб ўйинчилар тўп суради. Бу футболчилар меҳмонда ўтказган учрашувларидан кўра ўз уйларида кўпроқ муаммо туғдиради оладилар, шунинг учун биз мукаммал ўйин кўрсатишимиз керак”, деб айтди Аллегри.