2008 йилдан буён Ўзбекистонда озиқ-овқат саноатига йўналтирилган инвестицияларнинг умумий ҳажми 900 млн доллардан ошиб кетди. Бу ҳақда Ўзбекистон озиқ-овқат саноати корхоналари уюшмасининг 12 май куни Тошкентда бўлиб ўтган матбуот анжуманида баёнот берилди.

Ўтган давр мобайнида 400 млн тонна маҳсулот ишлаб чиқаришга мўлжалланган янги йўналишлар очилиб, 45 минг янги иш ўрни ташкил этилди. Озиқ-овқат саноати республика саноатининг умумий ҳажмидан 16 фоиз улуш эгаллайди.

Шунингдек, жорий йилнинг биринчи чорагида озиқ-овқат саноати корхоналари 2.9 трлн сўмлик маҳсулот ишлаб чиқариб, 2014 йилнинг шу давридаги кўрсаткичига нисбатан 14.8 фоиз ўсишга эришгани маълум қилинди.