Тошкентнинг Себзор кўчаси ва Абдулла Қодирий кўчалари кесишмасида бунёд этилган 6 полосали янги кўприк очилиши муносабати билан Себзор кўчасидаги автомобиллар қатнови соатига 3,2 минг машинадан 9,8 минг машинагача, Абдулла Қодирий кўчасидаги автомобиллар қатнови эса соатига 2,4 минг машинадан 5,6 минг машинагача ортди.

Таъкидлаш жоизки, бу ҳудудда бирорта ҳам светофор ўрнатилмаган. Яратилган қулайликлар натижасида бу ерда йўловчилар ҳам, автомобиллар ҳам бетўхтов ҳаракат қилишлари мумкин.

Кўприкнинг икки четидан йўловчилар учун узунлиги 102 ва 111 метрни ташкил қиладиган иккита ёпиқ эстакада (йўловчилар ўтиш жойи) қурилди. Бу эстакадаларда чиқиш ва тушишни осонлаштириш учун анъанавий зиналардан ташқари эскалатор ва лифтлар ҳам ўрнатилди. Шунингдек, Себзор кўчасидан узунлиги 98 метрни ташкил қиладиган ерости йўловчилар ўтиш жойи барпо этилди.