Дортмунднинг «Боруссия» клубини мавсум якунлангандан кейин тарк этадиган клуб бош мураббийи Юрген Клопп “Реал”га бошчилик қилиши мумкин.

Хабар қилинишича, 47 ёшли мутахассиснинг Карло Анчелотти ўрнини эгаллашга имконияти мадридликлар Чемпионлар Лигасидан чиқиб кетгандан кейин янада ошди.

Эслатиб ўтамиз, “Реал” Чемпионлар Лигаси ярим финалининг жавоб учрашувида “Ювентус” билан 1:1 ҳисобида дурранг натижа қайд қилиб, иккита ўйин натижасига кўра финалга чиқа олмади.

Бундан ташқари, қироллик клуби Примера якунлашига икки тур қолганда мусобақа етакчиси “Барселона”дан 4 очко ортда қолмоқда.

Аввалроқ, германиялик мураббий “Манчестер Сити” ёки “Бавария”ни бошқариши мумкинлигини айтилган эди.