НАТО ва Украина 2015 йилнинг кузида биргаликда “Жанубий жавоб” деб номланган машғулотлар ўтказади, деб хабар бермоқда РИА Новости ахборот агентлиги.

Бу ҳақда НАТО бош котиби Йенс Столтенберг маълум қилди.

“Украина кузда фавқулодда вазиятларга жавоб бериш бўйича НАТО билан биргаликда машғулотлар ўтказади. Бизнинг ҳамкорлигимиз мустаҳкамдир ва ривожланишда давом этмоқда”, деб таъкидлаб ўтди Столтенберг.

Қайд этилишича, НАТО Киевда ўз ходимларининг сонини кўпайтиради, улар Украина Мудофаа вазирлигига маслаҳатлар бериш билан шуғулланадилар.

Аввалроқ Столтенберг Украина НАТОнинг қўллаб-қувватлашига умид қилиши мумкинлиги айтган эди.