Санкт-Петербург кўчаларида «учувчи» трамвайлар ҳаракатланиши мумкин. Бу ҳақда шаҳар ҳокимлиги матбуот хизмати хабар тарқатмоқда.

Магнит «ёстиқча»си ўрнатилган мазкур трамвай шаҳар губернатори Георгий Полтавченкога Пушкиндаги Александровск заводига ташрифи чоғида намойиш қилинган.

«Губернаторга 28 тонналик магнит левитацияси кучи билан ҳавода «осилиб» турувчи юк вагони намойиш қилинди. Левитацион оралиқ 25 мм.ни ташкил қилади. Мазкур вагондаги юк оғирлигини 80 тоннагача ошириш мумкин бўлади. Максимал тезлик эса 250 км/соатни ташкил қилиши мумкин бўлади», дейилади матбуот хизмати хабарида.

Шунингдек, манбада берилган хабарда мазкур технология шаҳар трамвайлари учун ҳам қўлланилиши мумкинлиги қўшимча қилиб ўтилган.