Саудия Арабистони нефть нархи бўйича стратегиясини муваффақиятли деб баҳолади. The Financial Times газетасининг баёнотга таяниб маълум қилишича, апрель ойида нефть қазиб олиш ҳажми 10.3 млн баррелни ташкил қилган. Мутасадди шахсларнинг таъкидлашича, жорий йилнинг июнь ойида бўлиб ўтадиган ОПЕК йиғилишида ушбу стратегияни қайта кўриб чиқишга ҳеч қандай эҳтиёж йўқ.

Нархларнинг тушиши натижасида қимматбаҳо нефть турларига инвесторларнинг бўлган қизиқиши камайган. Бу ўз навбатида Саудия Арабистонига жаҳон нефть бозорида етакчи мавқени сақлаб қолишга ёрдам берган.
Таъкидланишича, бошқа мамлакатлар рақобатбардошлигининг кучайиб бориши ҳамда муқобил энергия манбаларининг кириб келишига қарамай, Саудия Арабистони ўз мавқеини сақлаб қола олади.