Жорий йилнинг март ойида Шон Конвэй исмли британиялик ҳаваскор спортчи Шотландиянинг Джон-О`Гротс қишлоғидан йўлга чиқиб, 3 май кунида Корнуолл графлигидаги Лендс-Энд (“Дунё чеккаси”) бурнида саёҳатини якунига етказди. Конвэй тажрибали спортчи бўлиб, бундан аввал ҳам шундай ҳаракатларни амалга оширган.

2008 йилда у бутун Буюк Британияни (1600 км масофа) велосипедда кезиб ўтган. 2013 йилда эса Корнуолл графлигидан Шотландиягача денгиз соҳил бўйлаб 1448 км сузиб ўтди. Конвэй яхши тайёргаликка эгалигига қарамасдан, у амалга оширган триатлон (югуриш, сузиш, велосипедда юриш) осон кечмади. Шон барча сафар анжомларини елкасига юклаб олганча кунига тахминан 48 км йўл босиб ўтди. Кечалари чодирда тунади. Шон сафари чоғида жароҳатлар олди, сув ва егулик билан муаммоларга дуч келди. Бироқ у ўзининг сафаридан кўнгли тўлди ва барча мухлисларига миннатдорчилигини билдирди.

“34 ёшли экстримал спортчи умумий ҳисобда 5150 км йўл босиб ўтди. Унинг мамлакат бўйлаб ҳаракатланишини кўплаб одамлар кузатиб борган. Шон ижтимоий тармоқларда ўз ютуқлари ҳақида оммани хабардор қилиб турди. Шон билан ҳамфикр бўлган кўплаб одамлар худди “Форрест Гамп” фильмидаги Том Хэнкс қаҳрамони АҚШ бўйлаб уч йил югуриб ўтганида унга қўшилган одамлар каби унга сафарнинг турли босқичларида ҳамроҳ бўлишди. Шоннинг инстаграмдаги аккаунтида кўплаб қизиқ нарсаларнинг гувоҳи бўлишингиз мумкин”, деб ёзмоқда The Daily Mail нашри.