Жорий йилнинг июнь ойи охирида Тошкентда бўлиб ўтадиган Ўзбекистон-Тожикистон ҳукуматлараро комиссия йиғилишида Тошкент-Душанбе авиарейсининг ташкил қилиниши масаласи кўриб чиқилади.

“Вечерний Душанбе” газетасида ёзилишича, илгарироқ матбуотда бу борада келишувга эришилмагани ҳақида тарқатилган ахборот ҳақиқатга мос келмайди. “Айни пайтда томонлар бу масала бўйича маълум келишувга эриша олган”, - деган нашр мухбирига номи маълум қилинмаган амалдор.

Маълумки, 2015 йил январида Тожикистон Ўзбекистонга икки давлат ўртасидаги алоқаларни янги босқичга кўтариш бўйича бир қатор таклифларни илгари сурди. Виза тартибини енгиллаштириш, автобус қатновини йўлга қўйиш, авиайўналиш очиш шулар жумласидандир.