Япониянинг Fujitsu компанияси ўз эгасининг кўзини таний оладиган мини-сканерга эга ноодатий смартфон яратди.

The Daily Mail Online нашрининг хабар беришича, смартфонни ёқиш учун ёки ундаги бирор дастурни очиш учун унга бир қарашнинг ўзи кифоя қилади.

“Биз смартфонда қалбакилаштириш қийин бўлган кўзнинг рангдор пардаси бўйича аутентификация қилишнинг янги усулидан фойдаландик. Смартфонни биргина кўз қараш билан бошқариш жуда қулай ва тез амалга оширилади. Экранга бир нигоҳ ташлаш билан у блокдан чиқади. Бу қўлларни ишлатиш заруратидан халос қилади”, деб айтмоқда Fujitsu компаниясидагилар.

Шунингдек, компания ушбу смартфон 2015 йилнинг охирида сотувга чиқарилишини маълум қилди.