АҚШнинг собиқ Мудофаа вазирлиги вакили истеъфодаги контр-адмирал Жон Кирби АҚШ Давлат департаменти янги вакили этиб тайинланди. Бу ҳақда давлат котиби Жон Керрига асосланиб, Fox News хабар қилган.

“Мен Жон Кирбининг давлат департаментимиз расмий вакили этиб тайинланганини мамнунлик билан қўллаб-қувватлайман”, - дейди Жон Керри ўз баёнотида.

13 май куни Жон Кирби Вашингтондаги брифингда таништирилди. Журналистларнинг саволларига ташқи алоқалар маҳкамасининг бошқа вакили Жефф Ратке жавоб берган.

Маълумот учун, Кирби мазкур лавозимни Женнифер Псакидан қабул қилиб олган бўлиб, эндиликда Псаки Оқ уй алоқалари бўйича директор лавозимида иш олиб боради.