Marca нашри ўтказган сўрономага кўра, “Реал” мухлисларининг тенг ярми клубнинг ярим ҳимоячиси Гарет Бэйлни кейинги мавсумда жамоа тарфибида кўришни истамаяпти.

Охирги 18 та ўйинда футболчи бор-йўғи 3 та гол урган ва кам ҳолларда муҳим ўйинларда жонбозлик кўрсатган. Шунинг учун мухлислар Бэйл клубни тарк этиши керак, деб ҳисоблашмоқда.

Қайд этиш жоизки, Криштиану Роналду ҳам мухлисларнинг ишончини йўқотмоқда. Мухлисларнинг 30 фоизи Роналдуга қарши фикр билдиришган. Мухлислар уни “Валенсия” ва “Ювентус”га қарши ўйинларда жамоани қутқара олмаганликда айбдор деб ҳисобламоқдалар.

Мухлислар Касильяс, Арбелоа, Коэнтрау, Хедира ва Лукас Силва ҳам жамоани тарк этишлари учун деярли бир овоздан овоз берган.