АҚШ ҳукумати Усама бен Ладеннинг ёрдамчиси деб ҳисоблаган, келиб чиқиши саудиялик бўлган 52 ёшли Холид ал-Фаввазнни умрбод қамоқ жазосига маҳкум қилди, деб хабар бермоқда Reuters ахборот агентлиги.

Қайд этилишича, ал-Фаввазн 1998 йилда АҚШнинг Кения ва Танзаниядаги элчихоналарида содир этилган портлашларга алоқадорликда айбдор деб топилган. Бу терактлар оқибатида 224 киши қурбон бўлган (улар орасидан 12 нафари АҚШ фуқароси бўлган), 4 мингдан зиёдроқ одам жароҳат олган эди. Қурбонларнинг кўпчилиги ёндош уйларда яшаган одамлар ва йўловчилар бўлган.
Террорчи уч йил аввал Буюк Британиядан АҚШга яна 4 нафар террорчи билан бирга экстрадиция қилинган эди.

Нью-Йорк суди чиқарган ҳукмда ал-Фавваз Лондондан туриб, “Ал-Қоида”нинг аъзолари учун Африкага етказиб беришларни ташкиллаштириш билан шуғуллангани айтилган.