Непал бош вазири Сушил Коирала ҳукумат иккинчи зилзилага тайёр бўлмаганини тан олди, деб хабар бермоқда Associated Press ахборот агентлиги.

“Биринчи зилзиладан кейин биз бундай катта даражадаги иккинчи зилзилага тайёр эмасдик”, деб айтди Коирала журналистларга берган интервьюсида.

Коирала юз минглаб одамлар ҳанузгача бошпанасиз қолаётгани учун муссон ёмғирлари ёғиши ҳақидаги об-ҳаво маълумотларидан хавотирда эканлигини таъкидлаб ўтган.

Аввалроқ Непалдаги биринчи зилзила қурбонлари сони 8 мингдан ошиб кетгани маълум қилинганди.