Олий Мажлис юқори палатаси йиғилишининг кун тартибига Ихтиёр Абдуллаевни республика бош прокурори қилиб тайинлаш тўғрисидаги президент фармонининг муҳокамаси киритилди.

Ўзбекистон қонунчилигига мувофиқ, бош прокурор президент томонидан тайинланади ва лавозимдан озод қилинади. Президентнинг бу борадаги фармонлари Сенат томонидан кўриб чиқилади.

Президент маслаҳатчиси лавозимида ишлаб келган Ихтиёр Абдуллаев 20 апрель куни Рашиджон Қодировнинг ўрнига бош прокурорликка тайинланди. 2000 йил февралидан буён ушбу мансабни эгаллаб турган Қодиров ваколатининг конституцион муҳлати тугагани боис ўз ўрнини Абдуллаевга бўшатиб берди.