Бугун 15 май куни Ўзбекистон Давлат Консерваториясида ёшлар ўртасида опера ижрочилик санъатининг ривожланишида "Ёшлик баҳори” ёш опера ижрочиларининг республика очиқ кўрик-фестивалининг аҳамияти” мавзуида матбуот анжумани бўлиб ўтди.

Матбуот анжуманида Маданият ва спорт ишлари вазирлигининг тегишли бошқарма бошлиқлари, мазкур кўрик-фестивалнинг Ҳакамлар ҳайъати аъзолари ва кўрик фестивал ғолиблари иштирок этди. 

Матбуот анжуманини Ўзбекистон давлат консерваторияси ректори, кўрик-фестивалнинг ҳакамлар ҳайъати раиси Б. Якубов кириш сўзи билан очиб берди. 
Матбуот анжуманида оммавий ахборот воситалари вакилларига мазкур кўрик-фестивалнинг мақсади, эришилган натижалари, Ўзбекистонда опера ижрочилик санъатининг ривожланиш динамикаси тўғрисида атрофлича маълумотлар берилди.

Шунингдек анжуманда Опера хонандаси (тенор), бастакор, Санкт-Петербургдаги Мариинск опера ва балет театри ходими, Санк-Петербург Давлат консерваториясининиг вокал кафедраси профессори (Россия) Г. Ханеданян, Вокал бўйича Халқаро экспертлар ассоциацияси аъзоси, "Ёш қўшиқчилар академияси” бадиий раҳбари, Санкт-Петербургдаги Маринск опера ва балет театри опера режиссёри (Россия) Л. Гергиэва Ўзбекистонда ёшлар учун яратилган имкониятлар ва опера ижрочилик санъатининг ривожланиш динамикаси тўғрисида сўзлаб, Ўзбекистонда янги овозлар кўпайгани ва уларга Давлат томонидан яратилаётган бундай шароитларга хавас қиларлик даражада экани ҳақида гапиришди.

Анжуман якунида мазкур кўрик-фестивал ғолиблари тадбир юзасидан ўз фикрларини билдирди.