Жиззахнинг Зарбдор туманида якка тартибдаги тадбиркор Бахтиёр Дўстбеков суд ижрочиларининг фаолиятига халақит бериб, уларни калтаклади. Бу ҳақда “Ҳуқуқ” газетаси хабар бермоқда.
Келтирилишича, суд ижрочилари Ғ. Пўлатов ва А. Абдуғаффоровлар унинг қарздорлиги эвазига мажбурий равишда пул ундириш учун ҳовлисига келган. Уйда бўлган синглиси Саодат дарҳол акасига қўнғироқ қилган. Бахтиёр етиб келиб, мажбурий ундирилган ва машинага юкланган мол-мулкни қайтариб олишга ҳаракат қилган. Тўполон пайтида у суд ижрочиларидан бирининг кўкрагига тепган, иккинчисига ҳам тан жароҳати етказган. Сўнг уларни уятли сўзлар билан ҳақорат қилиб, машина ойнасини тош билан синдирган.
Бу ҳуқуқбузарлик юзасидан суриштирув ишлари олиб борилиб, Дўстбеков жазога тортилган.