Билл ва Ҳиллари Клинтон 2014 йилда лекция ўқиш орқали 25 млн доллар ишлаб топгани маълум бўлди

Жаҳон 16 Май 2015 1308

АҚШнинг собиқ президенти Билл Клинтон ва унинг рафиқаси, АҚШнинг собиқ давлат котиби Ҳиллари Клинтон 2014 йилда оммавий нутқлари учун гонорар сифатида 25 млн доллар олган, деб хабар бермоқда The Washington Post газетаси.

Бундай маълумотлар Клинтонлар оиласи топширган молиявий ҳисоботда кўрсатилган. Ҳаммаси бўлиб ўтган йилда эр-хотин Клинтонлар 104та оммавий лекция ўқиган. Маълум қилинишича, 2012 йилдан бери Ҳиллари Клинтоннинг бир лекцияси нархи 250 минг долларга яқинни ташкил қилади. Бу қиймат АҚШ фуқаросининг бир йиллик ўртача маошидан бир неча марта кўпроқ қийматни ташкил қилади.

Бундан ташқари, собиқ давлат котиби ўзининг “Мушкул танлов” китоби учун муаллифлик гонорари сифатида 5 млн доллар даромад олган. Сиёсатчининг хотиралари киритилган бу китоб 2014 йилнинг июнида чоп этилган.

Билл Клинтоннинг президентлик муддати ниҳоясига етишидан олдин Клинтонлар оиласи қийин молиявий аҳволда қолган эди. Бироқ АҚШ собиқ президенти ёдномаларининг чоп этилиши ва эр-хотиннинг кўп сондаги лекциялари Клинтонлар оиласига бу мушкул вазиятни ўнглаб олишларига ёрдам берди.

Шунингдек, Барак Обама ва унинг рафиқаси ҳам 2014 йилдаги даромадларини декларция қилишди. АҚШ федерал қонунчилигига кўра, АҚШ президенти ва бошқа мансабдор шахслар ҳар йили ўз даромадлари ва зиёнлари бўйича ҳисобот бериб боришлари керак. Барак Обама ва унинг рафиқаси Мишел Обаманинг бойлиги 1,9 млн доллардан 6,9 млн долларгача баҳоланмоқда. Бу қийматдан катта қисми АҚШ Ғазначилиги томонидан чиқарилган қимматли қоғозлар ҳисобига тўғри келади. Уларнинг бозор қиймати 1,25 млн дан 5,25 млн долларгачани ташкил қилмоқда.

Обама оиласининг қолган активлари жамғариб борилувчи пенсия ҳисоб рақамларида, муддатсиз омонатларда, пенсия жамғармаси ва фарзандларининг ўқишини тўлаш учун жамғарма ҳисоб рақамларида сақланмоқда. Обамалар оиласи, шунингдек, Чикагода уйга эга. Шунингдек, Обаманинг “Умид жасорати” ва “Отамнинг орзулари” китоблари унинг оиласига 130 минг доллар қўшимча даромад келтирган.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 14483 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 68236 Жамият
Кун.uz офис изламоқда
15:48 / 06.08.2017 37118 Lifestyle
"Реал" Испания Суперкубоги соҳиби!
04:08 816 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 1065 Жаҳон
Саакашвили Украинага қачон қайтишини маълум қилди 
01:15 1637 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 1661 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар