14 май куни Олий лигада 9-тур ўйинларига старт берилди. Биринчи куни "Локомотив" сафарда "Олмалиқ"қа қарши майдонга тушди. 15 май куни Тошкентнинг "Бунёдкор" жамоаси ўз майдонида Муборакнинг "Машъал" жамоасини қабул қилди. Шу куни Қаршининг "Насаф" жамоаси ўз уйида Бекободнинг "Металлург" жамоаси билан ўйнади.

Тошкент вилоятига сафар қилган "Локомотив" 2:2 ҳисобидаги дуранг ва 1 очко билан қайтди. Голларни мезбонлар сафида Жаҳонгир Абдумўминов (5) ва Шавкат Саломов (70) урган, "темирйўлчилар" сафида эса Санжар Шоаҳмедов (67) ҳамда Лутфулла Тўраев (86) голларга муаллифлик қилган. "Локомотив" 9 ўйиндан 18 очко тўплаган ҳолда тўртинчи ўринни эгаллаб турибди.

ОЛМАЛИҚ - ЛОКОМОТИВ 2:2
Голлар: Жаҳонгир Абдумўминов (5), Шавкат Саломов (70) -  Санжар Шоаҳмедов (67), Лутфулла Тўраев (86).

 

"Бунёдкор" жамоаси "Машъал" билан ўйинда мавсумдаги биринчи йирик ҳисобдаги ғалабасини қайд этди. Сардор Рашидов (13), Темур Аюпов (16), Сардор Собирхўжаев (21) ва Шакер Зуаги (36) томонидан киритилган голлар 4:0 ҳисобидаги ғалабани таъминлади. Эндиликда "қалдирғочлар" жамоасида 8та ўйиндан кейин 15 очко жамғарилган ва жамоа турнир жадвалида олтинчи ўринда кетмоқда.

"БУНЁДКОР" - "МАШЪАЛ" - 4:0

Голлар: Сардор Рашидов (13), Темур Аюпов (16), Сардор Собирхўжаев (21), Шакер Зуаги (36)

Турнинг учинчи ўйини "Насаф" ва "Металлург" ўртасида ўтказилиб, бу ўйинда кичик сенсация кузатилди. Меҳмонлар вакили А.Номонов 15-дақиқада урган гол ўйин тақдирини ҳал қилди. Бу мағлубиятдан кейин "Насаф" 19 очко билан иккинчи ўринда қолди.

"НАСАФ" - "МЕТАЛЛУРГ" - 0:1

Гол: Аюбхон Нўъмонов (5)

16 май кунига "Пахтакор"-"Нефтчи", "Андижон"-"Навбаҳор", "Қўқон-1912"-"Шўртан", "Динамо"-"Сўғдиёна" ҳамда "Бухоро"-"Қизилқум" ўйинлари белгиланган.