Ўзбекистон Республикаси Олий Мажлиси Сенатининг иккинчи ялпи мажлиси ўтказилди

Ўзбекистон 16 Май 2015 1847

Тошкент шаҳрида 2015 йил 15 май куни Ўзбекистон Республикаси Олий Мажлиси Сенатининг иккинчи ялпи мажлиси очилди. Унда Вазирлар Маҳкамасининг таклиф этилган аъзолари, вазирлик ва идораларнинг раҳбарлари, бошқа ташкилотларнинг, оммавий ахборот воситаларининг вакиллари иштирок этишди.

Ўзбекистон Республикаси Олий Мажлиси Сенати ялпи мажлисининг биринчи кунида сенаторлар томонидан 10 та масала кўриб чиқилди. Уларнинг 7 таси социал-иқтисодий, ижтимоий-сиёсий ислоҳотларни янада чуқурлаштириш, инвестиция ва ишчанлик муҳитини яхшилаш, хусусий тадбиркорликни ривожлантириш, суд-ҳуқуқ соҳасини такомиллаштириш, фуқаролар соғлиғи асралишини, ахборот хавфсизлигини таъминлашга қаратилган қонунлардир.

Ўзбекистон Республикаси Олий Мажлиси Сенати ялпи мажлисининг кун тартибига киритилган масалаларни муҳокама этиш чоғида сенаторлар алоҳида таъкидлаганидек, қабул қилинган қонунлар Ўзбекистон Республикаси Президенти Ислом Каримовнинг Олий Мажлис Сенатининг 2015 йил 22 январда ўтказилган биринчи мажлисидаги нутқида ҳамда Олий Мажлис Қонунчилик палатаси ва Сенатининг 2015 йил 23 январда бўлиб ўтган қўшма мажлисидаги, шунингдек, Вазирлар Маҳкамасининг 2015 йил 16 январда бўлиб ўтган мамлакатимизни 2014 йилда ижтимоий-иқтисодий ривожлантириш якунларига ва 2015 йилга мўлжалланган иқтисодий дастурнинг энг устувор йўналишларига бағишланган мажлисидаги маърузаларида баён этилган вазифаларнинг рўёбга чиқарилишига кўмаклашади.

Сенаторлар ишни «Ташувчининг фуқаролик жавобгарлигини мажбурий суғурта қилиш тўғрисида»ги Ўзбекистон Республикаси қонунини кўриб чиқишдан бошладилар. Ушбу қонун Ўзбекистон Республикаси Президентининг 2010 йил 26 ноябрда қабул қилинган «2011 – 2015 йилларда республика молия-банк тизимини янада ислоҳ қилиш ва барқарорлигини ошириш ҳамда юқори халқаро рейтинг кўрсаткичларига эришишнинг устувор йўналишлари тўғрисида»ги қарорини ижро этиш мақсадида Вазирлар Маҳкамаси томонидан парламентнинг қуйи палатасига киритилган. 

«Умумий фойдаланишдаги ҳаво, темир йўл, ички сув ва автомобиль транспорти йўловчиларининг мажбурий шахсий суғуртаси тўғрисида»ги амалдаги қонуннинг ўрнини босиши керак бўлган мазкур қонун Ўзбекистон Республикаси ҳудудида барча турдаги транспорт воситаларида ташувлар амалга оширилаётганда йўловчиларнинг ҳаёти, соғлиғи ва (ёки) мол-мулкига етказилган зарарнинг ўрнини ташувчининг фуқаролик жавобгарлигини мажбурий суғурта қилиш орқали кафолатли равишда қоплашга қаратилганлиги қайд этилди. 

Сенаторларнинг фикрича, ушбу қонуннинг қабул қилиниши суғурта бозори ва транспорт инфратузилмасини ривожлантиришга, кўрсатилаётган хизматлар сифатини оширишга, фуқароларнинг ҳуқуқлари ва қонуний манфаатларини ҳимоя қилишга, янги иш ўринларини яратишга кўмаклашади. Қонун сенаторлар томонидан маъқулланди. 

Шундан сўнг сенаторлар қонунчилик ташаббуси тартибида Ўзбекистон Республикаси Вазирлар Маҳкамаси томонидан киритилган янги таҳрирдаги «Қимматли қоғозлар бозори тўғрисида»ги Ўзбекистон Республикаси қонунини кўриб чиқдилар. Таъкидландики, қонуннинг янги қоидалари қимматли қоғозлар эмиссияси билан боғлиқ ҳуқуқий тартиб-таомилларни, шу жумладан, янги молиявий воситаларни соддалаштиришга, уларнинг самарадорлигини оширишга қаратилган. Қонунда қимматли қоғозларга доир битимлар тузишда имтиёзлар ва преференциялар белгиланмоқда, замонавий электрон технологияларини кенг жорий этишнинг ташкилий-ҳуқуқий механизмлари назарда тутилмоқда. Қонунда жаҳоннинг ривожланган мамлакатлари тажрибаси ҳисобга олинган ҳолда қимматли қоғозлар бозорида профессионал фаолият олиб боришга қўйилган талаблар, қимматли қоғозлар бозори иштирокчиларининг ҳуқуқ ва мажбуриятлари, шунингдек, ушбу соҳада қонун ҳужжатларини бузганлик учун жавобгарлик шартлари ва механизмлари қайта кўриб чиқилмоқда ва белгилаб берилмоқда.

Сенаторлар таъкидлаганларидек, ушбу қонуннинг қабул қилиниши қимматли қоғозлар бозоридаги инвестиция муҳити ва ишчанлик муҳитини, фонд бозоридаги хизматлар сифатини яхшилашга, мулкдорлар синфи ўсишига ва аҳоли учун даромадлар манбаларини кўпайтиришга, шунингдек, инвестициявий лойиҳаларни молиялаштириш учун капитал, шу жумладан, чет эл инвестициялари оқиб келишига кўмаклашади. Қонун сенаторлар томонидан маъқулланди.

Шундан сўнг сенаторлар янги таҳрирдаги«Электрон тижорат тўғрисида»ги Ўзбекистон Республикаси қонунини кўриб чиқдилар. Ушбу қонун Ҳукуматнинг 2014 йил 17 январда бўлиб ўтган 2013 йилда ижтимоий-иқтисодий ривожлантириш якунларига ва 2014 йилга мўлжалланган иқтисодий дастурнинг энг устувор йўналишларига бағишланган мажлисида белгилаб берилган вазифаларни рўёбга чиқариш доирасида Вазирлар Маҳкамаси томонидан киритилган.

Муҳокама этиш чоғида сенаторлар таъкидлаганларидек, қонун электрон савдога замонавий ахборот-коммуникация технологияларини кенг жорий қилишнинг ҳуқуқий механизмларини яратишга, битимлар тузиш тартиб-таомилларини янада осонлаштиришга, электрон тижорат иштирокчилари ҳуқуқларининг ҳимоя қилинишини таъминлашга қаратилган бир қатор муҳим қоидаларни ўз ичига олади. 

Сенаторларнинг фикрича, ушбу қонуннинг қабул қилиниши тадбиркорликни ривожлантириш ва ишчанлик муҳитини яхшилаш учун қўшимча шарт-шароитлар яратилишини, электрон тижоратнинг янада такомиллаштирилишини таъминлаш имконини беради. Қонун сенаторлар томонидан маъқулланди. 

Сенаторлар «Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш тўғрисида»ги Ўзбекистон Республикаси қонунини кўриб чиқдилар ва маъқулладилар. Мазкур қонуннинг асосий мақсади социал-иқтисодий, ижтимоий-сиёсий ва суд-ҳуқуқ соҳаларига оид амалдаги қонун ҳужжатларини янада такомиллаштиришдан иборат. 

Ушбу қонуннинг асосий қоидаларини кўриб чиқиш чоғида сенаторлар «Маҳаллий давлат ҳокимияти тўғрисида»ги қонунга киритилаётган қўшимчаларга алоҳида эътибор қаратдилар. Ушбу қўшимчалар вилоят, туман ва шаҳар ҳокимининг минтақани ижтимоий-иқтисодий ривожлантиришнинг энг муҳим ва долзарб масалалари юзасидан ҳисоботи халқ депутатлари Кенгаши томонидан ҳар йили эшитиб борилишини назарда тутувчи Конституциянинг 103-моддасига киритилган тузатишлар доирасида киритилмоқда. 

Таъкидландики, таклиф этилаётган қўшимчалар Вазирлар Маҳкамасининг, вилоятларнинг тегишли мажлисларидан сўнг ўтказиладиган минтақани ижтимоий-иқтисодий ривожлантириш якунларига бағишланган мажлисида халқ депутатлари Кенгаши томонидан ҳоким ҳисоботини эшитишнинг ҳуқуқий механизмини белгилаб бермоқда. Бунда вилоят ҳамда Тошкент шаҳри ҳокимининг ҳисоботи Вазирлар Маҳкамасининг мажлисида белгиланган вазифаларни инобатга олган ҳолда, туман ва шаҳар ҳокимининг ҳисоботи эса Вазирлар Маҳкамасининг, халқ депутатлари вилоят Кенгашининг мажлисларида белгиланган вазифаларни ҳисобга олган ҳолда муҳокама этилади. 

Сенаторлар вилоят, туман ва шаҳар ҳокимининг ҳисоботини эшитишда Олий Мажлис палаталари, халқ депутатлари вилоят Кенгашлари вакилларининг иштирок этишини, халқ депутатлари Кенгашининг қарорини қабул қилиш механизмини назарда тутувчи нормаларнинг муҳимлигини алоҳида таъкидладилар. Халқ депутатлари Кенгашининг қарорида ҳоким ва маҳаллий ижро этувчи ҳокимият органлари фаолияти самарадорлигининг комплекс таҳлили ҳамда унга берилган баҳо, уни янада такомиллаштиришга доир тавсиялар ва таклифлар, шунингдек, қарор рўёбга чиқарилишининг бориши устидан назоратни таъминлаш чора-тадбирлари келтирилган бўлиши керак. 

Сенаторларнинг фикрича, «Маҳаллий давлат ҳокимияти тўғрисида»ги қонунга киритилётган тузатишлар ҳокимият вакиллик органларининг назорат функцияларини янада кучайтиришга, маҳаллий ижро этувчи ҳокимият органлари фаолиятининг очиқлигини, минтақани ривожлантиришга доир энг муҳим масалалар мунтазам кўриб чиқилишига, ҳокимлар томонидан ҳисоботлар берилаётганда такрорланишларни бартараф этишга, ҳисоботларнинг жойларда самарали муҳокама этилишини уюштиришга кўмаклашади. 

Сенаторлар амалдаги қонун ҳужжатларига, жумладан, Фуқаролик процессуал кодексига, «Йод етишмаслиги касалликлари профилактикаси тўғрисида»ги, «Радиочастота спектри тўғрисида»ги, «Автомобиль транспорти тўғрисида»ги қонунларга киритилаётган бир қатор бошқа муҳим ўзгартиш ва қўшимчаларни ҳам кўриб чиқдилар. Ушбу ўзгартиш ва қўшимчалар суғурта бозорини янада такомиллаштириш, суд жараёнига электрон ҳужжатлар айирбошланишини жорий этиш, фуқаролар соғлиғини асраш, ахборот хавфсизлигини таъминлашга қаратилган қонунларни ва мамлакатимиз Президентининг қарорларини рўёбга чиқариш доирасида тайёрланган. 

Шундан сўнг сенаторлар Ўзбекистон Республикаси билан Бирлашган Араб Амирликлари ўртасидаги икки томонлама ҳамкорликни янада кенгайтиришга қаратилган бир қатор халқаро шартномаларни ратификация қилиш тўғрисидаги қонунларни кўриб чиқдилар ва маъқулладилар. 

Сенаторлар У.Муҳаммадиевни Ўзбекистон Республикаси Олий Мажлиси Инсон ҳуқуқлари бўйича вакили (Омбудсман) этиб сайлаш тўғрисидаги масалани ҳам кўриб чиқдилар. Мазкур масала юзасидан тегишли қарор қабул қилинди. 

Шу билан Ўзбекистон Республикаси Олий Мажлиси Сенати иккинчи ялпи мажлиси ишининг биринчи куни якунланди. 

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22286 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40368 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153636 Жамият
Кун.uz офис изламоқда
15:48 / 06.08.2017 43838 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 20 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 1285 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 807 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Сурхондарё вилоят ҳокими: Ғалладан бўшаган 100 фоиз майдонда такрорий экинлар экилган
19:23 1353 Жамият
Кўпроқ янгиликлар