Россия Президенти Владимир Путин ва Мудофаа вазири Сергей Шойгу Тунги хоккей лигасининг “МХЛ юлдузлари” ва “МХЛ терма жамоаси” ўртасида ўтган гала-учрашувда “юлдузлар” жамоаси сафида хоккейчилар сифатида музга тушишди.

Учрашув “Юлдузлар” фойдасига 18:6 ҳисоби билан якунланди.
“Бу ўйинда мағлуб бўлганлар йўқ. Ҳаммага раҳмат, ҳаммани ғалаба билан табриклайман”, деди Путин ўйиндан кейин.

Бу ўйинда “МХЛ юлдузлари” ўйинчиларининг барчаси Иккинчи жаҳон урушидаги ғалабанинг 70 йиллиги муносабати билан 70 рақами остида ҳаракат қилишди.

Россия Мудофаа вазири Сергей Шойгу учрашувнинг энг яхши ўйинчиси деб топилиб, мукофот сифатида Қримга саёҳат қилиш учун йўлланма билан тақдирланди.