Франциянинг собиқ президенти ҳамда "ПСЖ" жамоасининг ашаддий мухлиси ҳисобланадиган Николя Саркози "Ювентус" жамоасининг франциялик футболчиси парижликлар жамоаси сафига ўтишида ёрдам беришни истамоқда.
"Погбани жамоага олиб келиш яхши ғоя. Биз барчамиз бу иш амалга ошиши учун ўз ҳиссамизни қўшишимиз керак", деб ёзади Саркози ўз твиттерида.
Қайд этиш жоизки, Погбанинг трансфер ҳуқуқини сотиб олиш учун "ПСЖ" билан биргаликда "Манчестер Сити", "Реал" ва "Барселона" каби жамоалар ҳам рақобатлашмоқда.