Ўзбекистон ва Германия гиёҳванд моддаларни ноқонуний айлантиришга қарши курашиш соҳасида ҳамкорлик қилишни назарда тутувчи келишувни имзолади.

Тошкентда бўлиб ўтган “Гиёҳванд моддаларни тарқатишга қарши курашиш ва унинг олдини олиш чора-тадбирлари: миллий ва хорижий тажриба” халқаро анжумани давомида гиёҳванд моддаларни ноқонуний айлантиришга қарши курашиш соҳасида икки томонлама ҳамкорликни ривожлантириш, гиёҳвандликнинг олдини олиш учун биргаликдаги чора-тадбирларни амалга ошириш мақсадида Ўзбекистон Вазирлир Маҳкамаси ҳузуридаги Наркотик моддаларни назорат қилиш Миллий ахборот-таҳлил маркази ва К.Аденауэр номидаги жамғарма ваколатхонаси билан ҳамкорлик қилиш ҳақидаги келишув имзоланди. Бу келишув гиёҳванд моддаларни ноқонуний айлантиришга қарши курашиш соҳасида семинарлар, давра суҳбатлари ва бошқа тадбирларни ўтказишни йўлга қўйиш ҳамда бу соҳада халқаро тажрибадан унумли фойдаланишга имкон беради.