АҚШнинг Сурия масаласи бўйича махсус вакили Дэвид Рубинстайн Сурия бўйича Россия-АҚШ ихтисослашган эксперт маслаҳатлашувида иштирок этиш учун Москва шаҳрига боради.

ТАСС агентлигининг маълум қилишича, бу ҳақда Американинг Россиядаги дипломатик ваколатхонаси пресс-атташеси Уилл Стивенс хабар берган.
"Ҳақиқатдан ҳам, Рубинстайн куннинг иккинчи ярмида Москвага ташриф буюради", — деди у.

Аввалроқ Россия президентининг Яқин Шарқ ва Африка мамлакатлари бўйича махсус вакили, Ташқи ишлар вазири ўринбосари Михаил Богданов Москва Суриядаги томонлар музокаралар олиб бориши учун махсус майдончани тақдим этишга тайёрлигини маълум қилган эди.