Лондоннинг “Арсенал” футбол клуби бош мураббийи фаолиятини тугатгандан кейин нималар билан шуғулланиши ҳақида фикрлари билан ўртоқлашди.

“Мен баъзида Алекс Фергюсон нима билан шуғулланаётган экан, деб ўйланиб қоламан. Таъкидлаш жоизки, у пенсияда жуда бахтиёр кўринмоқда.

Унинг отларга қизиқиши унинг омади экан. Эрталаб туриб, ўз отларининг машқ қилишини кузатиши мумкин, бу унга аниқ хуш келса керак.

Мен эса пенсияда нима билан шуғулланаман? Мен ҳам отларни яхши кўраман, бироқ от пойгаларига бормайман. Мен отда юришни яхши кўрардим, чунки бир вақтлар фермер бўлганман, бироқ ҳозирда бу умуртқам учун хавфлидир.

Менимча, фаолиятимни тугатгач, шунчаки кўп футбол кўрсам керак”, деб айтди француз мутахассиси.