"Роснефть" компанияси Бразилияда нефть ва газ қазиб чиқариш билан шуғулланишни бошлайди. Компания яқин кунларда иккита геологқидирув ҳудудидан фойдаланиш бўйича 100 фоизлик улушни қўлга киритади. Bloomberg агентлигидаги маълумотларга қараганда, ҳар икки келишув 55 миллион долларга баҳоланмоқда.

Тасдиқланишича, "Роснефть"га Солимойнс дарёси (Амазонка ирмоғи) ҳавзасидаги нефть ва газ қидириш ишлари амалга оширилаётган иккита ҳудуд устидан тўлиқ назорат ўрнатиш ҳуқуқи берилади.

Тахминларга кўра, шартнома тўғрисида душанба куни расман ахборот берилади. Фақатгина "Бу мақбул келишув", — деди агентлик билан шартнома тафсилотлари тўғрисида муҳокама қилишни истамаган "Роснефть" раҳбари Игорь Сечин.

Қайд этиш жоизки, Россия Бразилиянинг мазкур ҳудудида биринчи маротаба нефть қазиб олаётгани йўқ. Ўз вақтида ТНК-ВР (кейинчалик "Роснефть" эгалик қилган) компанияси Солимойнс ҳавзасида 1 миллиард доллар эвазига 21та блокнинг 45 фоизлик улушига эгалик қилган.