"Клайпед авиалинияси"нинг Ан-2 самолёти Болтиқбўйидан Швециянинг Гетеборг шаҳри томон йўл олган эди.
Айни пайтда Литванинг ҳарбий кема ва вертолётлари яқиндагина Болтиқ денгизида йўқолган самолётни излаш ишларига жалб этилган. Енгил Ан-2 юк ташувчи самолёти қишлоқ хўжалиги авиацияси компаниясига тегишли бўлиб, Гетеборг шаҳрига Клайпеддан парвозга кўтарилган эди.
Сўнгги бора у шанба, 17 май куни маҳаллий вақт билан 18 атрофида алоқага чиққан. Ўша вақтда самолёт Литванинг Паланг шаҳридан 97 денгиз мили (тахминан 179.644 километр) узоқликда бўлган.
Литва оммавий ахборот воситаларининг маълум қилишича, енгил самолёт бортида икки тажрибали учувчи бўлган. Самолёт эса 1981 йили ишлаб чиқарилган.
Литва томони учувчилар Палангдаги авиадиспечерлар билан алоқа йўқолганидан сўнг ҳаво кемасини сувга қўндириб, ўз ҳаётларини сақлаб қолганлигини инкор этмаяпти.
Қидирув ишларига Литва Республикасининг ҳарбий кемалари ва бир нечта вертолётлар жалб этилган. Бироқ шу вақтга қадар қидирув операцияси ўз натижасини бергани йўқ.