Франция Ҳарбий-денгиз кучлари штаби бошлиғи, адмирал Бернар Рожель француз ҳарбий-денгиз кучларига Россия учун қурилган “Мистрал” вертолёт ташувчи кемалари керакмаслигини айтди, деб хабар бермоқда РИА “Новости” ахборот агентлиги.

Бу ҳақда адмирал Le Monde газетасига берган интервьюсида маълум қилди.

“Агар ҳарбий-денгиз кучларига бу кемалар керакми деб сўралса, жавоб қатъиян “йўқ” тарзида бўлади”, – деб айтди Рожель.

Аввалроқ, Россия Ташқи ишлар вазири Сергей Лавров Москва “Мистраль” кемалари учун сарфланган пулларнинг қайтарилишини талаб қилаётганини маълум қилганди. Лавров Франциядан Россияга кемаларнинг етказилиши бўйича шартнома атрофидаги вазият юридик мақомдан молиявий мақомга ўтганини таъкидлаб ўтди.