Кечагина тадбиркор Полонскийни ҳимоя қилиш мақсадида Камбоджага келган россиялик адвокат ҳукумат томонидан қўлга олинди, дея хабар бермоқда ТАСС ахборот агентлиги. Бу ҳақда Полонскийнинг шахсий адвокати Славик Брюсоян маълум қилган.
"Кеча унинг олдига адвокат келди, рухсатнома олиб Полонский сақланаётган миграцион қамоқхонага борди, аммо унга Полонский билан душанбадан аввалроқ учрашишнинг иложи йўқлигини хабар қилишди. Кечга яқин эса уни ҳибсга олишди. Унинг қамоққа олиниш сабаби бизга маълум эмас", ‑ дейди ҳимоячи.
Брсояннинг сўзларига кўра, ҳибсга олинган шахс унинг адвокатлик идорасидаги ҳамкасби ҳисобланади.
Шу билан бир қаторда, у Полонский бугун 17 май куни Москвага етказилишини тасдиқлади.