ТАСС ахборот агентлигининг хабар беришича, Россия Ташқи ишлар вазирлигининг қурол-яроғларнинг тарқалмаслиги ва назорати масалалари бўйича департаменти директори Михаил Ульянов Россия қурол-яроғ савдоси тўғрисидаги халқаро шартномага аъзо бўлмайди.
Дипломатнинг сўзларига кўра, Москва мазкур келишувни "жуда ҳам кучсиз" деб ҳисоблайди.
"Биз қўшилмасликка қарор қилдик. Барча "яхши" ва "ёмон" жиҳатларни чамалаб кўриб, бу биз учун муҳим эмас, деган қарорга келдик", ‑ деди Ульянов.
Шу билан бирга, у "мазкур шартнома 20 ёки 30 йилдан кейин қандай кўринишга келиши ҳақида ҳеч ким олдиндан айта олмайди" деган фикрни ҳам таъкидлаб ўтди.
Дипломатнинг қайд этишича, мазкур шартнома "бошқа аксарият шартномалар" каби унинг ривожланаётган мамлакатлар томонидан бажарилишида айрим нуқсонларга дуч келади.
Бугунги кунда одатий қуролланиш учун ягона стандартларни жорий этишга чақирувчи мазкур конвенцияни дунёнинг 130 мамлакати имзолаган бўлса, уларнинг 67 таси ратификация қилган.