Франциянинг собиқ президенти Николя Саркози Европа Иттифоқи давлатларига ноқонуний миграцияга қарши курашиш учун шенген келишувини бошқатдан тузишга чақирди, деб хабар бермоқда Le Figaro нашри.

“Мухожирларни қабул қилиш шартларини ўзгартириш зарур, сўнгра умумий шартларни аниқлаштириб олиш керак. Бизга “Шенген-2” келишуви лозим”, деб айтди Франциянинг энг йирик мухолиф партияси етакчиси.

“Қандай қилиб биз бугун мамлакатда оилавий нафақаларни тўлаш учун етарлича маблағ ва ҳеч қачон солиқ тўламаган одамлар учун тиббий суғуртани тўлаш учун 850 млн евро бор деб айта оламиз”, деб айтмоқда “Халқ ҳаракати иттифоқи” партияси раҳбари.

Саркозининг айтишича, ягона Европа ҳудудининг амал қилиш тамойилларини “юқорисидан тубигача” кўриб чиқиш зарур.

Саркози ЕИда мухожирларнинг сингиб кетиши механизмлари замон талабига тўғри келмаётганини таъкидлаб ўтди.

“Мен қаердан эканлигимни, ўзимнинг келиб чиқишимни яхши биламан. Цивилизациялар қонларнинг чатишиб кетиши ва очиқликдан эмас, балки ўзининг қони билан чекланиши оқибатида қулаган. Бироқ бундай давом этишига бошқа йўл қўйиб бўлмайди – биз сингдириб бўлмайдиган одамларни қабул қилолмаймиз. Бу республикамизнинг энг чуқур негизларига бориб тақаладиган жуда катта муаммодир”, деб айтди Саркози ҳамда ўзи ҳам венгриялик яхудий мухожирлар авлоди эканини эслатиб ўтди.