Associated Press агентлигининг маълум қилишича, The Beatles гуруҳи аъзоси Жорж Харрисоннинг гитараси аукцион савдолари чоғида қарийб ярим миллион долларга сотилди. 1963 йилда ишлаб чиқарилган мазкур электрогитара Mastersound фирмаси томонидан кимлиги номаълум бўлган харидорга 490 минг долларга сотилди.
Аукцион уйида маълум қилинишича, Харрисон Англия ва Норманд оролларида бўлиб ўтган бир қанча концерт дастурларида ушбу гитарадан фойдаланган.


Аукцион савдолари чоғида, шунингдек, Элвис Пресли ва Присцилла Преслининг никоҳ гувоҳномаси ҳам савдога қўйилди. Унинг якуний баҳоси 40 минг доллардан зиёдроқни ташкил этди. Преслининг 1975 йилда Лос-Анжелосдаги чиқишида кийиб чиққан костюми эса 122 минг долларга сотилган.