АҚШнинг Гавайи штатида 17 май кунида ҳарбий самолёт фалокатга учраган. Бу ҳақда Huff Post News нашри хабар бермоқда.

Нашр маълумотларига кўра, фалокат самолёт ҳарбий базага қўнаётган пайтда юз берган. Ушбу MV-22 Osprey самолётининг бортида 21 киши бўлган. Фалакот оқибатида 12 нафар аскар жароҳат олган.

Самолёт фалокатга учраган ҳудудда ҳарбий ўқув машғулотлари ўтаётган сабабли маҳаллий аҳоли ушбу машғулотлар туфайли дам олиш кунлари одатдагидан шовқинроқ бўлиши мумкинлиги ҳақида огоҳлантирилган эди. Шунинг учун ҳам одамлар ҳарбий база ҳудудидан келаётган қора тутунга дарров эътибор беришмаган.

Айни пайтда барча жабрланганлар шифохонага етказилган.

Воқеа жойида қутқарув хизматлари ишламоқда. Улар авифалокатнинг оқибатларини бартараф этишмоқда.