Ливия пойтахтини назорат остига олган террорчи гуруҳлар 172 нафар Тунис фуқаросини қўлга олди. Бу ҳақда Тунис ташқи ишлар вазирлиги вакили маълум қилди.
Айтилишича, бу хатти-ҳаракат Ливияда фаолият юритаётган ислом милиция етакчиларидан бирининг Тунисда қўлга олинишига жавоб тариқасида амалга оширилган. Туниснинг Африка ва араб давлатлари бўйича давлат котиби Тухами Абдулийнинг Shems FM радиосига маълум қилишича, айни пайтда бу масалани сиёсий даражада ҳал қилиш бўйича чора-тадбирлар амалга оширилмоқда.