Техас штатининг Вако шаҳридаги автомобиль тураргоҳида жойлашган ресторанда бир-бирига душман байкерлар бандаси орасида отишма содир бўлди. Оқибатда 9 киши ҳалок бўлди.

Отишмада ораларида келишмовчилик юзага келган иккита байкер уюшмаси аъзолари иштирок этган. Воқеа жойига етиб келган полиция тўқнашув иштирокчилари ёнидан турли хил совуқ қуроллар – занжирлар, пичоқлар, биталар, тўқмоқлар ва ўқотар қуроллар топишган.

Қўлга олинганлар ва жароҳатланганлар сони ҳақида ҳеч нарса айтилмаяпти. Шуниси маълумки, ресторанга ташриф буюрган мижозлар отишма пайтида музлатгичларга беркиниб олишган. Ҳудуд ўраб олинган, полициячилар воқеа тафсилотлари ойдинлашмагунча одамларга воқеа жойидан кетишларига рухсат бермаяпти.