Тошкентда “Касаба-тур” веломарафони ғолиблари аниқланди

Спорт 18 Май 2015 726

Тошкентда Ўзбекистон Касаба уюшмалари федерацияси кенгаши томонидан ташкил этилган анъанавий “Касаба-тур” веломарафонининг мамлакат босқичи бўлиб ўтди.

Мусобақанинг очилишида Ўзбекистон Касаба уюшмалари федерацияси кенгаши раиси Т.Норбоева ва бошқалар спортни ривожлантиришга қаратилаётган алоҳида эътибор самарасида аҳоли, айниқса, ёшлар ўртасида велоспорт тобора оммалашиб бораётганини таъкидлади. 

Мазкур мусобақа корхона, ташкилот ва муассасаларда фаолият кўрсатаётган ходимлар ва уларнинг оила аъзолари ўртасида соғлом турмуш тарзини тарғиб қилиш, спортни оммалаштириш, турли соҳа ходимларининг ўзаро ҳамкорлигини янада мустаҳкамлаш мақсадида ташкил этилди. 

Веломарафон тўрт босқичда ўтказилди. Жорий йилнинг март-апрель ойларида бўлиб ўтган қуйи босқичларда Қорақалпоғистон Республикаси, вилоятлар ва Тошкент шаҳридаги корхона ва ташкилотларнинг 428 минг нафардан ортиқ ходими қатнашди. Уларнинг 84 минг нафарини хотин-қиз, 300 нафардан ортиғини меҳнат фахрийлари, ёши улуғ инсонлар ташкил этгани мазкур мусобақанинг аҳоли ўртасида кенг оммалашаётганидан далолатдир. 

“Касаба-тур” веломарафонининг мамлакат босқичи ҳам қизиқарли баҳсларга бой бўлди. 20 ёшдан 35 ёшгача бўлган веломарафончилар ўртасидаги баҳсларда андижонлик Темур Обидов ва пойтахтлик Ирина Лукиенко биринчи, андижонлик Мансур Йўлдошев ва навоийлик Зулфия Низомова иккинчи, жиззахлик Азиз Ҳалимов ва қашқадарёлик Райҳон Тиловова учинчи ўринни эгаллади. 

35 ёшдан катта бўлган эркаклар ва аёллар ўртасида Тошкент вилоятидан Игорь Ларин, фарғоналик Георгий Бордошенко, наманганлик Фазлиддин Шаҳобиддинов, пойтахтлик Галина Чиганова, қорақалпоғистонлик Светлана Железнова ва хоразмлик Муҳайё Аҳмедовалар ғолиб ва совриндор бўлди. 

Мусобақада турли номинациялар бўйича ҳам ғолиблар аниқланди. 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46537 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51713 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9343 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20139 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 335 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 159 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 682 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 876 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 550 Жаҳон
Кўпроқ янгиликлар