Туркия Мисрнинг собиқ президенти Муҳаммад Мурсийга чиқарилган ўлим ҳукмини бекор қилиш учун халқаро ҳуқуқ механизмларини ишга солади. Бу ҳақда президентнинг матбуот котиби Иброҳим Қалин баёнот берди.
Эслатиб ўтамиз, ўтган шанба Қоҳирада 2011 йилдаги тўполонларда аҳолига қарши жиноий хатти-ҳаракатлар амалга оширишда айбланаётган Мурсий ва унинг бир қанча шерикларига ҳукм чиқарилди. Мурсийга ўлим жазоси белгиланди.
Иброҳим Қалиннинг сўзларига кўра, айни пайтда Туркия Саудия Арабистони ва Қатар билан консультациялар ўтказиб, ҳукмни бекор қилишга интилмоқда. Яқинда бу ишга жаҳон ҳамжамиятининг, биринчи навбатда, БМТ инсон ҳуқуқлари бўйича комиссиясининг эътиборини тортиш режалаштирилмоқда.