“Барселона” президенти Жозеп Бартомеу ўз жамоасининг Испания чемпиони унвонини қўлга киритгани хусусида баъзи фикрларини билдириб ўтди.

“Биз жуда ҳам хурсандмиз. Ўз олдимизга қўйган мақсадларимиздан бирига эришдик. Мавсум жуда узоқ давом этади, ҳар қандай вазият юз бериши мумкин, бироқ биз ҳамжиҳат эканлигимизни, ушбу унвонга лойиқ эканлигимизни исботладик.

Месси жуда кўп гол урди, бироқ бутун жамоа ёрқин ўйнади. Лео доимо дунёнинг энг зўр ўйинчиси бўлган. Хорхе Вальдано айтганидек, дунёнинг иккинчи энг яхши ўйинчиси – бу жароҳат олган Мессидир.

Бу ғалабани кейинги шанба куни “Депортиво” билан учрашувдан кейин нишонлаймиз.

Луис Энрике ажойиб мавсум ўтказди ва натижа ўзини куттириб қўймади. Ҳаёт давом этади. Янги жамоалар, янги ўзгаришлар келмоқда. Жамоамиз жуда яхши формада ҳамда ғалабаларни қўлга киритиш учун ўчдир”, деб айтди Бартомеу.