АҚШ Украинада ислоҳотлар муваффақиятли амалга оширилса, 1 млрд доллар молиявий кўмак ажратади. Бу ҳақда РИА “Новости” ахборот агентлиги хабар бермоқда. 

АҚШнинг Украинадаги элчиси Джеффри Пайетт 1 млрд долларлик кредит кафолатлари ажратиш ҳақидаги келишув имзоланганидан кейин ўтказилган матбуот анжуманида бу ҳақда маълум қилди. 

“Агар Украина иқтисодий ислоҳотларни татбиқ этиш бўйича аниқ қадамларни давом эттирса ҳамда конгресс билан ҳамкорлик қилишнинг муайян шартларига тўғри келса, биз 2015 йилнинг охирида Украинага 1 млрд долларгача қўшимча кредит кафолатлари тақдим қилишимиз мумкин”, демоқда Пайетт.

Аввалроқ Украина ва АҚШ 1 млрд долларлик кредит гарантиялари ажратиш ҳақидаги келишувни имзолашлари маълум қилинганди.