Xabardor.uz: Бугун 19 май куни “Маэстро”, “Профессор” ҳамда “Архитектор” каби номларни олган машҳур итальян футболчиси Андреа Пирло 36 ёшни қаршилади. Футболчи 2 бора Чемпионлар лигасини, бир маротаба жаҳон чемпионлигини, 6 бор А серия ғолиблигини, шунингдек, 2012 йилги Европа чемпионатида вице-чемпионликни қўлга киритган. 


“Профессор” Италиянинг энг кучли 3та жамоаси бўлган “Интер”, “Милан” ҳамда “Ювентус” тўп сурган. Шунга қарамай, барча клуб раҳбарияти ҳамда мухлислари бу ўйинчига нисбатан чексиз ҳурмат намойиш этишади.

Футболчи 2006 йилги жаҳон чемпионлиги ҳақида шундай дейди: 

2006 йил 9 июль куни тушликдан сўнг бироз ухлаб олдим, сўнг PlayStation ўйнадим. 

Кечқурун эса жаҳон чемпионлигини қўлга киритдим. 

 

"Маэстро" 2012 йилги Европа чемпионатида 33 ёшда бўлишига қарамай, жамоанинг асосий ўйинчиси бўлди. У ўз тушган 6та ўйиннинг 3таси UEFA томонидан учрашувнинг энг яхши ўйинчиси номини қўлга киритган. 

Ҳозирда футбол тарихидаги энг кучли ярим ҳимоячилардан бири бўлган Пирло "Ювентус" таркибида тўп сурмоқда. 36 ёшда тўлганига қарамай, у жамоаси учун энг муҳим ўйинчилардан бири ҳисобланади. "Ювентус"нинг жорий йилда А серияда ғолибликни қўлга киритишида, шунингдек, Италия кубоги ҳамда Чемпионлар лигаси финалига йўлланмани қўлга киритишда Пирлонинг хизмати чексиз, десак янглишмаган бўламиз. 

Бугун  Xabardor.uz сайти футболчининг энг яхши 10та голини эътиборингизга ҳавола этади.