Латвияда президент сайлови сеймнинг (парламент) 3 июнда бўлиб ўтадиган навбатдан ташқари йиғилиши вақтида бўлиб ўтади. Мазкур қарор мамлакат қонунчилик органи томонидан қабул қилинган.

Парламент матбуот хизматининг хабарига кўра, 19-24 май кунлари сиёсий партиялар сеймга сайловда иштирок этиш учун номзодлари рўйхатини топширишлари лозим. Аввалроқ Латвия ҳукумат коалициясидаги партиялар президентликка ягона номзодни илгари суриш бўйича келишувга эришган эди. Аммо ҳозирча бу борада улар бирор аниқ қарорга келишмаган.

Натижада “Яшиллар ва меҳнатлкашлар иттифоқи” мамлакатнинг мудофаа вазири Раймонд Вейонис номзодини илгари сурди.

“Барчаси Латвия учун” Миллий бирлиги томонидан Европа ҳамжамияти суди судьяси Эгилс Левитс номзоди қўллаб-қувватланмоқда. Йирик мухолифат партияси бўлмиш социал-демократлар томонидан Сергей Долгополов номзоди кўрсатилиши мумкин.

Латвия Конституциясига кўра, президент парламент томонидан сайланади. Номзод парламентдаги 100 депутатнинг 51 нафари овозига эга бўлган тақдирда ғолиб бўлган деб ҳисобланади.

Латвиянинг айни вақтдаги президенти Андрис Берзиньшнинг ваколати 7 июлгача давом этади. У навбатдаги сайловда шахсий сабабларга кўра иштирок этмаслигини маълум қилган.