2017 йилга қадар бутун мусулмон аҳли учун муқаддас бўлган Кабаъи мукаррама жойлашган Саудия Арабистонининг Макка шаҳрида дунёдаги энг катта меҳмонхона бунёд этилади. Бу ҳақда Саудия Арабистонининг “Сабк” электрон газетаси хабар берди.

Нашрнинг маълумотларига кўра, меҳмонхона 12 та минора шаклида қурилади ҳамда уларда жами 10 мингта хона, 70 та ресторан, конференц-заллар ва супермаркетлар жойлаштирилади. Бу меҳмонхонанинг 10 та минорасидаги хоналар “4 юлдузли” даражасига, қолган 2 тасидаги хоналар эса 5 юлдузли ва қироллик апартаментларига мос қилиб ишланиши режалаштирилмоқда. Меҳмонларга қулайлик яратиш мақсадида меҳмонхона томида вертолётларнинг қўниш-учиш майдончаси қурилади.

Ҳаж, умра сафарини адо этгани Маккага дунёнинг турли бурчакларидан ҳар йили миллионлаб мусулмонлар ташриф буюришади.