18 май куни АҚШнинг амалдаги президенти Барак Обама твиттер тармоғида ўзининг расмий аккаунтини очди ва ярим кун ичида 1,5 миллиондан ортиқ фолловер йиғишга эришди.

Унинг аккаунти орқали дастлаб Оқ уйнинг расмий аккаунти, сўнг Оқ уйнинг биринчи хоними ва кейин Жо Байден, Жон Керри, Жени Псаки каби шахслар ҳамда ўнлаб ташкилотларнинг аккаунтлари фоллоу қилинган.  
Бундан олдин ҳам Барак Обама номидан аккаунт юритилар эди ва унда президент томонидан билдирилган фикрлар ёзиб борилар эди. Норасмий ҳисобланган бу аккаунтда ҳам 2007 йилнинг мартидан буён 59 миллиондан ортиқ фолловер йиғилган.