Ўтган ҳафта мобайнида Ўзбекистон ҳудудида 160 марта ёнғин содир бўлганлиги қайд этилган. 

Турли сабабларга кўра содир бўлган ёнғинларда 5 нафар фуқаро тан жароҳатлари олишган. Ушбу ёнғинларда 918 млн. 301 минг сўмдан ортиқ қурилиш материаллари ва 737 млн. 64 минг сўмга яқин моддий бойликлар ёнғиндан сақлаб қолинган.
Тошкент вилояти Янгийўл туманида яшовчи фуқаро С.Искандаровнинг уйида электр симларнинг қисқа туташуви натижасида ёнғин содир бўлиб, уйнинг 90 кв. метр майдонда томи, шифт қисми ва уй жиҳозлари ёниб зарарланган.
Хоразм вилояти Қўшкўпир туманида яшовчи фуқаро И.Холбоевнинг уйида гараж ёнига қурилган ўчоқни ёқиб, назоратсиз қолдирилиши оқибатида ёнғин келиб чиқди. Натижада гаражнинг 15 кв.м майдонда том қисми ёнғиндан зарар кўрди. Ёнғин ўчириш вақтида уй эгаси ва фарзанди А.Маматқулов куйиш тан жароҳати олган ҳолда шифохонага ётқизилган.
Қорақалпоғистон Республикаси Амударё туманида яшовчи фуқаро К.Бекбаевнинг уйида электр симларнинг қисқа туташуви натижасида ёнғин содир бўлиб, уйнинг84 кв. метр майдонда томи, шифт қисми ва уй жиҳозлари ёниб зарарланган.